တုမ်ႇသီလိူင်လိူင်ဢွၼ်ၼႆႉ တေယၢမ်ႈႁၼ်ၵၼ်ယူႇ… ၵူၺ်း..မၢင်ႇၵေႃႉၵေႃႈတေဢမ်ႇ ႁူႉ တေဢမ်ႇပွင်ႇၸႂ်ဝႃႈမၼ်းပဵၼ်သင် မၼ်းႁဵတ်းၵၢၼ်ၸိူင်ႉႁိုဝ် မိူဝ်ႈၼႆႉႁဝ်းမႃးလဵပ်ႈ ၵၼ်လွင်ႈ RSS ၵၼ်

RSS ဢမ်ႇၼၼ် Really Simple Syndication ပဵၼ်ၽႃႇသႃႇ XML ဢၼ်ဢွၵ်ႇမႃးပႆႇ ပေႃးႁိုင် ဝႆႉတွၼ်ႈတႃႇတိုၼ်ႉႁူဝ်ၶေႃႈၶၢဝ်ႇမႃးတူၺ်း ပေႃးမိူဝ်ႈၽူႈဢၢၼ်ႇၶၢဝ်ႇတဵၵ်းၼိူဝ် ႁူဝ်ၶေႃႈၶၢဝ်ႇၼၼ်ႉၵွၼ်ႇ ၸွင်ႇၵွႆႈၵႂႃႇတီႈ တီႈမႃးၶၢဝ်ႇၼၼ်ႉ။ ႁူဝ်ၶေႃႈၶၢဝ်ႇၼၼ်ႉၵေႃႈ တေ update ၸွမ်းၵၼ်တင်းဝႅပ်ႉသႆႉတီႈဢၼ်ၵႂႃႇတိုတ်ႉဢဝ်မႃး ပေႃးမိူဝ်ႈဝႅပ်ႉသႆႉၼၼ်ႉ update မိူဝ်ႈလႂ်ၵေႃႈႁူဝ်ၶေႃႈၶၢဝ်ႇၵေႃႈ update မိူဝ်ႈၼၼ်ႉယဝႉ်

ဢမ်ၸႂ်ႈလႆႈဝႃႈပဵၼ်ၶၢဝ်ႇၵူၺ်း… ဢိင်ၼိူဝ်ဝႅပ်ႉသႆႉဢၼ်ပိုၼ်ၽႄႈဝႆႉ မၢင်ႇဝႅပ်ႉသႆႉၼႆ ၸႅၵ်ႇႁူဝ်ၶေႃႈမၼ်းဝႆႉ ပၼ်ထႅင်ႈလူးၵွၼ်ႇ မိူၼ်ၼင်ႇ- ၵဵဝ်ႇလူၺ်ႈလွင်ႈ Hardware၊ software၊ Internet ၸၵႂႃႇၸိူဝ်းၼၼ်ႉ… ၶဝ် ၵေႃႈတေၸႅၵ်ႇႁူဝ်ၶေႃႈမၼ်းဝႆႉပၼ်ၵမ်းလဵဝ်

ၶေႃႈၶိူၵ်ႉၶွင်ႇ RSS တႄႉ ၽူႈၸႂ်ႉ Computer ၶဝ် ဢမ်ႇလူဝ်ႇၵႂႃႇၶဝ်ႈတူၺ်းဝႅပ်ႉသႆႉဝႃႈ ၸွင်ႇၶဝ် update ဝႅပ်ႉ ၶဝ်ၼႄႇ… ဢမ်ႇ update ၼႄႇ…။ ဝႅပ်ႉသႆႉဢၼ်႞လႄႈဢၼ်႞ၵေႃႈ တေ update ၶၢဝ်ႇ ဢမ်ႇမိူဝ်ႈၵၼ်။ မၢင်ႇပွၵ်ႈ မၢင်လႂ် ၽူႈၸႂ်ႉၶွမ်းၶဝ်ယင်းတေၶဝ်ႈၵႂႃႇတူၺ်းၶၢဝ် ဢၼ်ၶဝ် update မႂ်ႇၸိူဝ်းၼၼ်ႉ ယင်းတေ ဢမ်ႇၸေးလူးၵွၼ်ႇ။ RSS ဢၼ်ၼႆႉ တေၸွႆႈလႆႈၽူႈၸႂ်ႉ Computer ၶဝ်ႁပ်ႉလႆႈၶၢဝ်ႇမႂ်ႇမႂ်ႇလႄႈဢမ်ႇလူဝ်ႇ သုမ်ႉၶၢဝ်းယၢမ်းသေၶဝ်ႈၵႂႃႇတူၺ်းၼႂ်း ဝႅပ်ႉသႆႉၶဝ်

RSS ၶွင်ႇ Sit & Read ၼႆႉ ၸႂ်ႉလႆႈတီႈၼႂ်း Firefox ၵူၺ်း။

ပေႃးပိုတ်ႇမႃးယဝ်ႉ တဵၵ်းတီႈ Subscribe Now » တဵၵ်း OK ။ ပေႃးပိုတ်ႇတူၺ်းလႄႈ ဢမ်ႇဢွၵ်ႇလိၵ်ႈတႆး ၼႆ -
1. ပိုတ်ႇ Firefox မႃး
2. တဵၵ်းတီႈ Tools » Options » Content
4. တီႈ Font & Colors ၼၼ်ႉ Default font ၼၼ်ႉပဵၼ်ႇၵႂႃႇပဵၼ် Mongloi ၊ Size ပဵၼ်ႇၵႂႃႇပဵၼ် 18
5. တဵၵ်း OK
ႁဵတ်းၶၼ်ႉတွၼ်ႈမွၵ်ႈၼႆႉၵူၺ်းၵေႃႈလႆႈယဝ်ႉ။